DA aur PA kya hote hain? Puri jaankari Hindi mein
Agar aap SEO ya blogging ki duniya mein naye hain, toh aapne shayad "DA" aur "PA" jaise shabd zaroor sune honge. Lekin yeh terms asal mein kya hoti hain? Chaliye simple bhaasha mein samajhte hain.
DA ka matlab – Domain Authority
DA ka full form hai Domain Authority. Yeh ek score hota hai jo batata hai ki kisi website ka Google jaise search engines mein kitna "authority" hai ya uski ranking power kitni strong hai.
DA score develop kiya gaya hai Moz naam ki ek SEO company ke dwara. Is score ka range hota hai 1 se 100 tak. Jitna zyada score, utna strong domain.
High DA ka matlab kya?
- Website par achhe backlinks hain
- Website purani aur trusted hai
- Content quality acchi hai
- SEO properly kiya gaya hai
PA ka matlab – Page Authority
PA ka full form hai Page Authority. Yeh bhi Moz ka score hai, lekin yeh poori website ki jagah sirf ek individual page ki authority batata hai.
PA ka bhi range hota hai 1 se 100 tak. Agar kisi page ka PA high hai, toh uska matlab hai ki woh page search results mein achha perform karega.
High PA ka matlab kya?
- Us page par high quality backlinks hain
- Page par valuable content hai
- On-page SEO strong hai
DA aur PA ka use kyun important hai?
- Backlink banate waqt high DA aur PA wali sites ko target karo.
- Apne blog ke DA/PA ko monitor karo aur improve karte raho.
- Competitor analysis mein DA/PA se andaza lagta hai ki unki website kitni powerful hai.
DA PA kaise check karein?
Bahut se free tools available hain DA aur PA check karne ke liye:
- Moz Link Explorer
- Small SEO Tools
- Prepostseo
- Ahrefs (limited info)
- Semrush (DA nahi, lekin authority score deta hai)
Conclusion:
DA aur PA dono hi important metrics hain jo aapki website ya blog ki SEO health ko batate hain. Inhe samajhna aur improve karna aapke search ranking ko boost karne mein madad karega.
0 Comments